Ang million o milyon sa tagalog ay binubuo ng pito o higit pang numero at ang isang milyon naman ay binubuo ng anim na zero "0" at ng isa pang bilang- halimbawa 1.
Pero ilan nga ba sa atin ang nakakita na at nakahawak na ng isang milyon? Sa mga normal na tao na tulad ko ay kailan man hindi pa nakakita at nakahawak ng isang milyon sa buong buhay ko. Baka po may magbigay diyan ha!?
Maging ang ilang kababayan din natin sa larawan sa itaas, sa tingin mo nakahawak na din ang mga yan? Eh sa tingin mo nakakita na din sila (larawan sa itaas) ng isang milyon sa buong buhay nila? Sa tingin mo isang milyon ang kanilang iniisip o ang kanilang pagkain na siyang makakaraos sa kanila upang malagpasan ang isang araw na pamumuhay nila? Bakit nga ba tayong mga nasa ibaba ng poste ng pamumuhay eh kahit magtrabaho tayo araw-araw, hindi tayo makahawak ng isang milyon?
Bakit ang mga senador natin, parang barya lang kung banggitin ang isang milyon? Sa tingin siguro nila eh barya ang binubulsa nila, kahit pera ng bayan eh patuloy nilang kinakamkam. Pero madali lang namang kumita ng isang milyon eh.
1. Maging politiko
2. Magtayo ng sariling sekta ng relihiyon
3. Magkaroon ng limang trabaho sa isang araw
4. Mag-abroad ka at magboyfriend ng mayaman
5. Sumali sa mga patimpalak tulad ng larawan sa ibaba
Isang milyon ba kamo? Matulog na lang tayo, yayaman pa tayo!!!
No comments:
Post a Comment